22-ші қаңтар күні мектебімізде "Рухани жаңғыру" бағдарламасы аясында "Өнегелі өмір" жобасы бойынша қаламыздың кен-металлургия заводының оттегі өндіру кәсіпорында ауа бөлу аппаратшысы, бірнеше құрмет граматаларының және "Жұмыс істейтін жастардың үздік тәлімгері" номинациясының иегері Д.О Ежибаевпен "Zoom" платформасы арқылы қашықтықтан сұхбат өтті. Бұл кездесудің негізгі мақсаты жетістікке жету жолында кездесетін кедергілер мен қиындықтарға мойымай ,алға ұмтылу арқылы ғана өз мақсаттарына жетуге болатындығына бағыт бағдар беру және жетістік пен табысқа жеткен тұлғалардың іс-тәжірбиесімен, бейнесімен таныстыру арқылы, жас ұрпаққа патриоттық тәрбие беру. Кездесу барысында қонағымыздың өмір жолы мен қызметіне тоқталды. Даулет ағаның тек қызмет барысында барысында ғана емес, спорт саласына да жастарға үлгі болардай тұлға. Сонымен қатар оттегі өндіру кәсіпорнында кәсіподақ ұйымының төрағасы қызметінде қоса атқарып келеді. Бала тәрбиесіне де аса көңіл бөлетін қамқор әке төрт баланың әкесі. Оқушылар да өздерінің көкейлерінде жүрген сұрақтарын қойды. Кездесу сәтті өтті, оқушылардың ерте жастан мамандығын таңдап, үлкен өмірге икемделуіне бірден-бір септігін тигізеді деп ойлаймыз.
