​Колледждердің болашақ студенттері үшін тамаша жаңалық!

ҚР Білім және ғылым министрлігі:
​Колледждердің болашақ студенттері үшін біздің тамаша жаңалығымыз бар!

Биыл колледждерде білім алу үшін гранттар саны 45 мыңға артады, ал барлығы 125 мың грант бөлінеді.

Халықтың әлеуметтік осал топтарынан шыққан балаларға арнайы гранттар қарастырылған, ол үшін «Білім туралы» Заңға өзгерістер енгізілді, енді көп балалы отбасылардан шыққан балаларға – гранттардың 5%, толық емес отбасылардан шыққан балаларға - 1%, физикалық мүмкіндіктері шектеулі балалары бар отбасылардан шыққан балаларға-1% бөлінуі көзделген.

Өткен жылы колледждерге қабылдау 10 мыңға артып, 166 мың адамды құрады, оның ішінде 93 мыңнан астамы мемлекеттік тапсырыс бойынша (тегін оқуға) түсті, соның ішінен 67%-ы квоталық санаттар бойынша өтті (61,9 мың адам).

Бүгін біз техникалық мамандықтарға сұраныстың артып келе жатқанын көріп отырмыз, бұл туралы Мемлекет басшысы да айтты, сондықтан 2025 жылға дейін мемлекеттік тапсырыстың 70%-ын (қазір 45%) металлургия, IT, құрылыс, инженерия және қызмет көрсету сияқты бағыттар құрайтын болады.

Бүгінде әкімдіктер жанындағы арнайы комиссиялар өңірлерде сұранысқа ие мамандықтар тізімін жасап жатыр. 30 сәуірден бастап облыстардың және Нұр-Сұлтан, Алматы және Шымкент қалаларының білім басқармаларының сайттарында мемлекеттік тапсырыс көзделген мамандықтар туралы ақпаратпен танысуға болады.

Оқушылар сарайында өткен мамандықтар жәрмеңкесі

Алуан-алуан кәсіп бар,
таңдай біл де, талап қыл!
Мамандықтар жәрмеңкесі!
30.03.2022 күні мектебіміздің 9-сынып оқушылары Оқушылар сарайында өткен мамандықтар жәрмеңкесіне барды. Онда әртүрлі кәсіби траекториялармен танысты.
Жәрмеңкеде қалалық кәсіби оқу орындары БГТК, БКС, БМПК, «Қазақмыс» политехникалық колледж, Медициналық колледж, Р.Қошқарбаев атындағы БТК-дері таныстырылды.
#ҚОББтәрбие
#balqash_bilim_bolimi
@g.kozhakhmetoova