«Ақылды қария –ағып жатқан дария»

Бүгін 1 қазан - Халықаралық қарттар күніне орай, мектеп оқушылары қарттарға жылы шырай танытып, құттықтау мен сый-сияпат ұйымдастырды.
Сондай-ақ, қарттар көңіліне «Ақылды қария –ағып жатқан дария» атты акция өтті.
Халқымыздың асыл мерекесінің бірі, әрі ең төл күндерінің бірі - осы қарттар күні. Қарт көңілі кіршіксіз таза, жан дүниесі еңбек бағыттарының әр қырын бағындырған, баға жетпес өмір белестерінен алтын ой түйген ата, әжелеріміз. Өмірлерінің осы балауса тынық шағында, жас ұрпақтың өздеріне деген ыстық ықылас сезімін сезіну, олар үшін теңсіз бақыт және олардың күнделікті өмірлеріне кішкене болса да шуақ сыйлау біз үшін де үлкен мәртебе.