Бастауыш пән бірлестігі

12 мамыр 2020 жылы «Балқаш қаласының білім бөлімі» ММ-нің жоспарлы жұмыстарының негізінде онлайн семинар өтті. Семинарда  бастауыш сынып мұғалімі Балтабаева Әдемі Азизқызы  қашықтықтан оқыту  кезінде жаратылыстану пәнінен «Сlassroom»  платформасында кері байланыс беру мен «Google.forms» ресурстары арқылы тест құрастыру жолдары тәжірибесімен бөлісті. Бұл платформалар арқылы оқушының алған білімінің қандай жетістікке жеткенін бақылау және  оқушы  өз қатесін көре білу мүмкіндігі барын  атап көрсетті. Сонымен қатар «ZOOM», «Whatsapp» желілері арқылы байланыс жасай отырып оқушылардан ауызша кері байланыс алу жолдары тиімді екенін айтты. Қашықтықта оқыту кезінде оқушыларға кеңес ретінде беруге болатын көзге арналған жаттығу түрімен бөлісті.

 

 

 

 

 

 

5 мамыр 2020 жылы Оқу – әдістемелік орталығы ұйымдастырған «Педагог дамуының инновациялық траекториясы: теориядан практикаға» атты облыстық конференцияда бастауыш сынып мұғалімі Сағадатова Толқын Қайроллақызы «Келешек ұрпаққа патриоттық тәрбие берудің маңызы» атты баяндама жасады. Баяндамада жаңартылған білім мазмұнындағы ортақ тақырыптар аясында бастауыш сынып оқушыларына патриоттық тәрбие берудің мүмкіндіктерінің мол екенін атап өтті. Сонымен қатар өзінің іс-тәжірибесіндегі барлық пәннен ортақ тақырып аясында білім мен тәрбиені қандай әдістер арқылы ұштастырып отырғанымен бөлісті.