Әдістемелік отырыстар

Ғылыми-әдістемелік отырыс

Ғылыми-әдістемелік отырыс

09.04.2022ж  күні №16 жалпы білім беретін мектебінде мектеп ұжымымен мақсатты  ғылыми-әдістемелік отырыс өтті. Отырысты мектеп директордың оқу ісі-жөніндегі орынбасары  Тлеубекова С.Ж. ашып, күн тәртібіндегі тақырыптармен таныстырды.
«Білім алушылардың білімдегі жетістіктерін мониторингілеу» тақырыбында директордың оқу ісінің орынбасарлары Сопыжанова Г.Р., Жұмажанова Қ.М. 4-9-сыныптар арасында болатын республикалық тәуелсіз бақылаудың алғы шарттарымен таныстырды. 4 – 9-сынып оқушылары тапсыратын оқу пәндерімен таныстырып, оларда келетін сұрақтардың мазмұнын жүйелі түсіндірді. Сонымен бірге, қалалық оқу бөлімі тарапынан алынған байқау сынақ нәтижесін сараптады. «Кемел» білім орталығымен бірлесіп өткізген мектепішілік ББЖМ  онлайн тестінің қорытындысын көрсетті. Аталған сынақтарда көтерілген мәселелерді айта келе, шешу жолдарына атқарылатын жұмыстар ұсынды.
Бұдан соң күн тәртібіндегі келесі мәселе бойынша директордың ғылыми ісі жөніндегі орынбасары Қалқаман А.Е. сөз алып, қалалық, облыстық пән  олимпиадаларының қорытындысына тоқталды.
Ғылыми-әдістемелік отырыс соңында мектеп директоры Сыздыкова С.Т. сөз алды. Мұғалімдер арасында туындаған әр түрлі сұрақтар төңірегінде  тиімді жауаптар алынып, түйінді шешім шығарылды.
Білімнің сапасының жетістіктерін  саралаудың қазіргі таңда жолдары көп. Ең бастысы  ұстаздың шәкіртімен бірлесе  еңбек етуі талап етіледі.

 

 

Мектеп жоспарының негізінде қараша айында педагогикалық ұжыммен ғылыми-әдістемелік отырыс өтті. Отырыста  „Инновациялық білім беру ресурстары: өзіндік ізденіс пен басым бағыттар“ тақырыбы бойынша орыс тілі мен әдебиеті пәнінің мұғалімі педагог-зерттеуші Айнабекова Ж.Б өз іс тәжірибесімен бөлісті.Кәсіби даму жолындағы жетістіктердің қыр- сырына тоқталды. Оқу үдерісіндегі жаңа ақпараттық инновациялық технологияларды енгізу кезіндегі оқушының танымдық іс әрекетін жетілдірудің  тиімді  тәсілдерін ұсынды.  Инклюзивті білім беру: ата-анамен, оқушымен жұмысты ұйымдастыру тәсілдері»  тақырыбында мектеп психологы  Е.С. Мухсинов сөз алды. Ерекше білім беруді қажет ететін оқушылардың  даралығын қанағаттандыру, денсаулықтарын қорғаудың психологиялық жағдайын қамтамасыз ету мақсатында түрлі әдіс тәсілдермен бөлісті.

 

 

 

Қаңтар айында “Білім сапасын арттырудың тиімді тәсілдері“ мұғалім тәжірибесінен . «Педагогикалық үдерісте ұлттық құндылықтарды қалыптастыру тақырыптарымен  ғылыми-әдістемелік отырыс өтті.Отырыста Бірінші тақырып бойынша педагог-зерттеуші география пәнінің мұғалімі Г.С.Мухамедиева сөз алып білім беру үдерісін бақылау,оның сапасын арыттыру,жиналған ақпаратты талдау және жүйелеу бойынша өз іс тәжірибесімен бөлісті. Екінші мәселе бойынша бастауыш сынып мұғалімі .А.Н.Жахметбекова сөз алды Оқушыларды ұжымаралық  қарым-қатынаста тәрбиелей отырып,қоғамдық өмірге белсенді қатысуға  тәрбиелеудің ұлттық құндылықтарына тоқталды.

 

 

 

11.01.2022 ж. шет тілі пәндері әдістемелік бірлестігінің "2021-2022 оқу жылының І жартыжылдығында  әдістемелік бірлестік мұғалімдерінің іс-әрекетін қорытындылау" тақырыбында отырысы өтті. Кездесу барысында бірлестік жетекшісі Г.Т.Иманбекова такырып бойынша баяндама оқып, слайд материалдары арқылы қазіргі таңда өзекті мәселелерді қозғады.Соның ішінде   өткізілген іс-шаралар туралы ақпарат беріп, қашықтықтан оқыту кезінде пайда болған олқылықтармен жұмыстың нәтижесін  қорытындылады;  мұғалімдер мен оқушылар жетістіктерін атап өтті.  Жиналыс барысында А.К.Дильмағанбетова өз тәжірибесінде қолданатын тиімді әдіс-тәсілдермен бөлісті. Сонымен қатар ІІІ тоқсанда ӘБ мүшелері атқаратын жұмыс мазмұнымен танысып, талқылады.