Іс-шаралар

2021-2022 оқу жылы


 

Кітаптар саны –  58721 дана, оның  ішінде мектеп оқулықтары - 19580 дана

*Оқырмандар саны - 900

*кітапханаға оқырмандар бару саны -11600

*қазақ тіліндегі кітаптар саны – 42141

*кітап  беру саны – 16800

*электрондық оқулыктар саны – 1150


 

Кітапхана меңгерушісі:  Саметова Бақшагүл Талгатовна

«Кел, балалар, оқылық!» 20 минуттық жаппай кітап оқу үрдісі

 

Балқаш қаласы білім бөлімінің «№16 жалпы білім беретін мектебі» КММ-де «Оқуға құштар мектеп» жобасы аясында 2021 жылдың 13-қыркүйек күні өткізген сынып жетекшілері мен оқушылар арасындағы  «Кел, балалар, оқылық!» 20 минуттық  жаппай кітап оқу үрдісін бастау алды. Мектеп оқушыларын көркем шығарма оқуға тарту мақсатында кітап оқуды насихаттау және оқуға шақыру, жас ұрпақтың бойына ұлтжандылық, рухани қасиеттерін сіңіру және патриоттық тәрбие беру.

Кітап – адамзат баласының баға жетпес асыл құндылығы. Білім мен мәдениеттің биік белестеріне жетелейтін – тәрбие құралы. Шығыс ойшылы Науаи: «Кітап – ақылына ақы сұрамайтын алтын қазына» десе, Абай атамыз «Танымның бар тамашасы – кітапта, оған қол жеткізу үшін кітап оқудан жалықпа», «Артық ғылым кітапта, ерінбе оқып көруге» деп насихаттайды. Оқу – біздің балаларымыздың білімін, тәрбиесін және мәдениетін арттырудың маңызды факторы. Оқу ой-өрістің кеңеюіне, жан-жақты дамуға, ойлау қабілетін жетілдіруге, шығармалардағы кейіпкерлердің мінез-құлқындағы жағымды тұстарын бойға сіңіруге көмектеседі, жалпы, адамды тәрбиелейді және рухани байытады. Яғни, өскелең жас ұрпақтың бойында кітапқа деген қызығушылын артып, оқушыларымыздың сөздік қоры молайып және жалпы сауаттылық деңгейі артады деген сенімдеміз.

 

«Тіл ұлттың жаны, халық рухы» атты кітап көрмесі

«Тіл ұлттың жаны, халық рухы» атты кітап көрмесі

5-қыркүйек –Қазақстан халқы тілдері күні. Бұл күн – «Ұлттың сақталуына да, жоғалуына да себеп болатын нәрсенің қуаттысы – тіл» деп ұлағатты сөз  қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні. Қазақтың әдебиет зерттеуші ғалымы, түркітанушы, публист, педагог, аудармашы, қоғам қайраткері А.Байтұрсынұлы 1872 жылы 5- қыркүйекте қазіргі Қостанай облысы Жангелді ауданы Сарыбұлақ ауылында дүниеге келген. 2018 жылдан бері Тілдер мерекесі тойланып келеді. Балқаш қаласы білім бөлімінің «№16 жалпы білім беретін мектебі» КММ кітапханасында «Тіл ұлттың жаны, халық рухы» атты кітап көрмесі қойылды.

 

 

«Конституция – кемел келешектің кепілі» атты көрме

«Конституция – кемел келешектің кепілі» атты көрме

Балқаш қаласы білім бөлімінің «№16 жалпы білім беретін мектебі» КММ мектеп кітапханасында «Конституция – кемел келешектің кепілі» атты көрме қойылды.

 

 


 


 


 


 


 


 

«Туған жер-алтын бесік» атты тақырыпта көрме

 

Жалпы білім беретін №16 лингвистикалық бағыттағы орта мектепте 2020 жылдың  12-қыркүйегі  қала күніне байланысты «Туған жер-алтын бесік»  атты тақырыпта мектеп кітапханашысы арнайы көрме ұйымдастырып, 3Г  сынып оқушыларына таныстырылым жасады. Көрменің мақсатында айтылғандай  Балқаш қаласының сұлу табиғаты, өндірісі , абыз ақын-жазушыларға берілген көше атаулары жайлы ақпараттандырды.  Яғни, әр қаланың өз тарихы мен өтпелі кезеңдері болады . Қазіргі кезде қаланың көптеген  халқы  металлургия  комбинатында  Балқаш өңірінің қойнауындағы байлықты  меңгеріп,  ел игілігіне жаратып , еңбек етіп жатыр. Туған жер алтын бесігімізбен әрқашан  мақтанамыз.


 


 

«Тіл - ұлттың тірегі» атты көрме

«Тіл - ұлттың тірегі» атты көрме

2020 жылдың 5-қыркүйегі Қазақстан халқының Тіл мерекесіне орай мектеп кітапханасында «Тіл - ұлттың тірегі» атты көрме қойылды. Бұл күн қоғам және мемлекет қайраткері, ақын, әдебиеттанушы, лингвист ғалым  Ахмет Байтұрсынұлының  туған күні. Ол кісі латын графикасына негізделген қазақ тіл білімін құрастырып, сондай-ақ грамматиканы анықтауды ғылыми терминологияның негізін қалыптастырды. Осы күн мемлекеттік тіліміздің ғана емес Қазақстанда тұрып жатқан  барлық өзге ұлт өкілдері тілдерінің мерекесі болып саналады. Тіл – қай ұлтта, қай елде болса да қастерлі, құдіретті ұғым. Оқушыларымызды өз тілін дұрыс меңгеріп, ана тілінде сөйлеуін,  ана тілімізді қастерлеп, оған  деген сүйіспеншілігін  арттыру мақсатында  тәрбиелеуіміз керек.


 


 


 

Ахмет Байтұрсыновтың туған күніне орай және

«Тілдер мерекесіне» арналған іс-шараларының ақпары


 

          Тіл –халықтың қазынасы, тілді білген адам ғана сол ұлттың жан-дүниесін түсінеді және жеткізе алады. Республика көлемінде аталып өткен қыркүйек айының 5 жұлдызында  «Тіл байлығым, қазынам» атты тілдер мерекесі  апталығының ашылуы салтанатты түрде өтіп, мектеп оқушылары үш тілде сөз өнерінің құдіретін сезініп, Қазақстан халықтарының тілдер мерекесі жайлы көптеген мәліметтер алды. Осы апталық аясында мектеп кітапханашысы Шәймерден Әсемнің ұйымдастыруымен  «Ана тілім –ардағымсың, киелім!» тақырыбында оқырмандарға кітап көрмесі ұйымдастырылды.

       Ахмет Байтұрсынұлы-халықтың рухани көсемі, яғни ұлтына бар ғұмырын арнаған ұлы тұлға, қазақ тілі мен әдебиеттану ғылымының негізін салушы, педагог, аудармашының туғанына 146 жылдық мерейтойымен тұспа – тұс келген тілдер мерекесі аясында  қазақ тілі мұғалімдері: Смаханова М.Ж, Жұмажанова Қ.М, Халабаева А.С, Скакова А.Б және Рымханова Ә.Р  9-11сынып оқушылар арасында  әдеби-танымдық кеш ұйымдастырды. Кеште алаш арысы, ұлт ұстазы Ахмет Байтұрсынұлы жайлы өмірлік тағылымдарымен танысып, сыр шертті.

  Абай лебі, Абай үні, Абай тынысы – заман тынысы, халық үні. Бүгін ол үн біздің де үнге қосылып, жаңғырып, жаңа өріс алып тұр, - деп ұлы ақынды әлемге паш еткен Мұхтар Әуезовтің дәуіріне де, 21 ғасырға да сол үн мен тыныс әлі дем беріп тұр. Абай қаламынан туған өлеңдер ғасыр мен дәуір өткен сайын өзектілігін жоғалпай ғана қоймай, сол ғасыр мен дәуірдің мазмұны мен сырын жаңа ашып танытқандай болады. Ғұламамыздың қуаты сол – өз заманынан әлдеқайда озып ойлап, озып жырлауында.

Міне, осы сарқылмас мұраны бүгінгі “Абай оқулары” мәнерлеп оқу сайысына да арқау етіп, оқушылар арасында  «Абай оқулары» мәнерлеп оқу сайысы өткізілді.

             Апталық барысында  бастауыш сынып мұғалімдері  3-сыныптар арасында «Мың бір мақал, жүз бір жұмбақ» және 4-сыныптар арасында «Сөз мерген» интеллекетуалдық ұйымдастырды.  Жарысқа қатысушы сайыскерлер өздерінің сөздік қорын байытып, қазақтың мақал – мәтелдерін, жұмбақтарын жақсы білетіндіктерін көрсете білді.

      Апталықтың соңы «Тіл мерекесі –ұлт мерекесі» атты мерекелік концертке ұласты. Концертте музыка пәнінің мұғалімдері  Г.Ж.Смайлова мен З.Т.Қуанышбаева біріге отырып оқушылардың Отанға,туған жерге, анаға деген ыстық ықыластарын ән арқылы жеткізе білген әншілерімізді,  мың бұрала  билеген бишілер мен күйшілерімізді жиналған  жұртшылық өздерінің қошеметтерімен көтермелеп отырды. Мектеп өнерпаздарының  орындауында «Ана тілім», «Тәуелсіз ел - Қазақстан», «Ананың тілі», « Туған жер»  т.б әндері шырқалды. Кеш соңында  жас өнерпаздар  «Мерекем» әнімен аяқтады.

           Тіл- ұлттың жаны, халықтығының асыл белгісі, намысы, тыныс-тіршілігінің  көзі, Ата Заңымен қорғалатын, еркіндігінің үні. Оны құрметтеп  қорғау, келешек ұрпаққа жеткізу  - Қазақстанның бақытты да парасатты, білімді де еңбекқор ұл-қыздарының аманаты. Өз тілін қастерлеген жанның өз елінің болашағына  да үлкен үлесін қосатыны сөзсіз.

      

          


 

Мектепішілік «Кел, балалар, оқылық!» буккроссинг (кітап алмасу) акциясы

Мектепішілік «Кел, балалар, оқылық!» буккроссинг (кітап алмасу)  акциясы

3 қазан күні мектеп кітапханасының  ұйымдастыруымен  бастауыш сыныптар арасында «100 кітап  аллеясы» қалалық акция  негізінде мектепішілік   «Кел, балалар, оқылық!» буккроссинг (кітап алмасу)  акциясы  өткізілді. Акция оқушылардың  сынып ішінде  кітап алмасуымен жалғасты. 

Акцияның мақсаты оқушыларды кітап оқуға баулу, кітап оқитын оқырмандар тобын қалыптастыру.

Тіл – ұлттың аса ұлы игілігі әрі оның өзіне тән ажырағысыз белгісі. Туған тілге деген сүйіспеншілікке баулу мақсатында   «Тіл –ұлттың  тірегі»атты  кітап көрмесі қойылды. Көрмеде қойылған әдебиеттер оқушылар білімінің қосымша көзі болып табылады.


 


 

1 қазан қарттар күніне орай «Қарты бар ел- қазыналы  ел» қарттармен кездесу  сағаты өткізілді. Іс-шараға 3 сынып оқушылары қатысты.


 

Кітап  көрмелері:  «Рухани жаңғыру –болашақтың жарқын жолы», «Тұғыры биік-Тәуелсіздік», Елбасымыздың «Тәуелсіздік  дәуірі» кітабының жарыққа шығуына орай  «Туған өлке мақтаныштары», «Ұлы Даланың жеті қыры» , «Ұлылардан ұлағат» тақырыбында көрмелер қойылды. 


 

Қазақстан Республикасы Мемлекеттің елтаңбасының  авторы Ш.Оңласынұлының туғанына 80 жыл толуына орай тәрбие сағаты өткізілді.


 

«Бейімбет мұрасы – дәуір шежіресі» тақырыбында әдеби-шығармашылық сағат

«Бейімбет мұрасы – дәуір шежіресі» тақырыбында әдеби-шығармашылық сағат

Бүгін, яғни 15 қараша  қазақтың көрнекті жазушысы, қазақ әдебиетінің негізін қалаушылардың бірі – Бейімбет Жармағамбетұлы Майлиннің туғанына – 125 жыл.                                           

    Қаламгердің  туылған күніне орай ЖББ №16 лингвистикалық бағыттағы орта мектеп кітапханасының ұйымдастыруымен «Бейімбет мұрасы – дәуір шежіресі» тақырыбында 8 сынып оқушыларының қатысуымен әдеби шығармашылық сағаты  өтті. Оқушыларға  дәуір шежіресі  атанған  Бейімбет Майлиннің  өнімді еңбектерінің  құндылықтары таныстырылып, өмір жолы туралы видеофильм көрсетілді. Қатысушылар өлеңдерін жатқа оқыды.  Тағылымы мол шығармашылық сағатта оқушылар  жазушыны  көп қырынан  танып қана қоймай, өз бойларына рухани азық алды.


 


 


 

1 желтоқсан- Қазақстан Республикасының Тұңғыш Президенті күніне орай мектеп кітапханашысының  ұйымдастыруымен «Ел  тірегі- Елбасы» тақырыбында  танымдық сағат өткізілді. Іс –шарада Елбасының  өмір жолы, қызметі туралы   баяндалды. 10  сынып оқушылары  көрмеге  қойылған  Елбасының бірнеше кітаптарын таныстырды.  Оқырмандарға   Елбасы жайында бірнеше сұрақтар қойылып,тұжырымды жауап алынды.


 

БАЛАЛАР ӘДЕБИЕТІНІҢ БӘЙТЕРЕГІ- БЕРДІБЕК СОҚПАҚБАЕВ

БАЛАЛАР  ӘДЕБИЕТІНІҢ  БӘЙТЕРЕГІ- БЕРДІБЕК СОҚПАҚБАЕВ


 

Оқушылардың кітап оқуға деген қызығушылығын арттыру, балалардың шығармашылық қабілетін  дамыту, сауатты, мәдениетті оқырмандар аудиториясын кеңейту мақсатында ЖББ №8,16  мектеп кітапханашыларының   ұйымдастыруымен 6 сынып оқушылары арасында  балалар әдебиетініңбәйтерегі - Бердібек Соқпақбаевтың «Менің атым Қожа» повесі бойынша қалалық оқырмандар конференциясы өтті.

    Алғашқы  бөлімінде   оқушылар оқырмандарға жазушының өмірбаяны мен шығармашылық  жолы таныстырылды.   «Менің атым Қожа» фильмін  сомдаған басты кейіпкерлер туралы слайд-фильм көрсетілді.  

       ІІ бөлімінде  ЖББ №16 мектептің тәжірибелі  ұстаздары Ж.А.Акимова мен М.Қ.Төлетаеваның  «Менің атым Қожа» шығармасының қызықты сәттерінен  дайындаған көрінісі көрермендер  көңілінен  шықты. 

  Конференция барысында фильм мен шығарманы  байланыстыра отырып,оқырмандарға  бірнеше   сұрақтар қойылды.  Коференцияға қатысқан ұстаздар мен қонақтар да  балалық шаққа саяхат жасап,  белсенділік танытып,  шынайы өз пікірлерімен бөлісті.

       Шығарманың басты мақсаты - оқырмандарын жаман нәрселерден жирендіріп, жақсылыққа тәрбиелеу.  Жазушы шығармасының үлкендер үшін де, балалар үшін  де берер ғибраты мол.

16 желтоқсан Тәуелсіздік  күніне орай  «Тұғыры биік-Тәуелсіздік»  көрме қойылды.


 

Дәстүрлі республикалық «Бір аймақ–бір кітап» акциясы аясында 9-11 сынып оқушыларымен  С.Сейфуллиннің «Тар жол, тайғақ кешу» шығармасын оқуға кеңес берілді                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

Өлкетану материалдарын  пайдалануда  оқушы  өзін-өзі тәрбиелеуге деген ынтасы артып елжандылық сезімі оянатын болады. Өйткені өлкетану материалдары оқушылардыңтуған өлкені жан-жақты терең танып білуіне мүмкіндік туғызатын білімдік те, тәлімдік те дерек көзі болып табылады. Осы орайда туған өлке жөнінде материалдар, анықтамалықтар, библиографиялық көрсеткіштер бір папкаға жинақталды. Атап айтсақ, «Өткені сырлы, ертеңі нұрлы –Балқашым», «Тамаша тылсым табиғат», «Туған жер мақтаныштары», «Отан үшін күрес-елге тиген үлес», «Басты кәсіпорын қаламыздың жүрегі», «Еңбек –ер атандырады».


 

Қысқы каникул  кезінде кітапханада   бастауыш сынып оқушыларымен   «Мен кітап оқығанды ұнатамын»  тақырыбында іс-шара өткізілді. Оқушылар өздері оқыған кітаптары туралы әңгімелеп, мақал-мәтел, жұмбақ айтып жарысты. Қысқы каникул  кезінде оқушылармен «Мен кітап оқығанды ұнатамын» тақырыбында кітапханалық  сабақ  өткізілді.


 


 

11  қаңтарда мектеп кітапханасының ұйымдастыруымен  Ақын  Қадыр Мырза-Әлінің  85 жылдығына орай  3-4 сынып оқушыларымен мәнерлеп оқу сайысы өткізілді.

   Сайыстың мақсаты ақын өлеңдерін өскелең ұрпаққа дәріптеу, мәнерлеп оқу дағдыларын қалыптастыру. 

     Іс –шара барысында ақынның өмірбаяны мен шығармашылығы   туралы  видеоролик көрсетілді.  Қатысушылар  ақын өлеңдерін  жатқа  оқып, белсенділік  танытты.   Сайыскерлер  бас жүлде І, ІІ, ІІІ орындармен марапатталды.