Құрметті ата-ана !

Дата: 2020-03-30 11:48:17

Елімізде белең алып жатқан оқиғаларға байланысты  балаларымыз мектепке келе алмай, ұстаздарымыз қашықтықтан білім беріп сын сағатқа түсіп жатыр! Ұстаз бен шәкірт арасындағы байланыс алшақтап кеткен уақытта  ата-аналардың қолдауынан үлкен үміт күтеміз! Оқушылардың  толық қанды білім алуына «Балқаш қаласы ЖББ №24 орта мектебі» КММ педагогтар ұжымы барлық мүмкіндіктерді пайдаланып жатыр! №24 орта мектебінің педагогтары қашықтықтан оқыту үрдісін келесі платформалар арқылы ұсынады:

  1. Теледидар сабақтарын пайдалану. 1-11 сыныптарға арнап "Балапан" телеарнасында қазақ тілінде , "Ел-Арна" телеарнасында  орыс тілінде білім алушыларға арналған сабақтар  жүргізіледі. Теледидар арқылы балаларыңыздың білім алуына жағдай жасалады. Сабақ берудің эфирдегі уақыты сағат 09-00-ден 15-00-ге дейін.

  2. Bilimland.kz, sabak.kz, youtube.com және ZOOМ білім беру платформаларды пайдалана отырып, пәндер бойынша бейнесабақтар трансляциясы ұйымдастырылатын болады.

  3. Daryn.online.kz сайтына қазақ тілінде әзірленген сабақтар орналастырылады.

  4. Facebook, Instagram және мектеп сайттары, әлеуметтік желілер арқылы тәрбиелік іс-шаралар үшін әзірленген бейнеконтент орналастырылады.

  5. Педагогтар  әр түрлі коммуникация құралдарды, яғни – әлеуметтік желілерді, уотсапп, скайп желілерін пайдалана отырып оқушылармен   арнайы құрылған сабақ кестесі бойынша сабақтар жүргізеді.

  6. Қашықтық форматта сабақ жүргізу барысында мониторинг,  бақылау жүйесі ұйымдастырылады.

Құрметті ата-аналар! Орны толмас өкініш болмас үшін, әр баланың шаттық күлкісі үшін, сіздер үйде отырып, сақтық шараларын жасаңыздар, әр балаға үлкен жауапкершілік туралы түсіндіріңіздер!  Сабыр мен төзімділікті осы кезде көрсетейік! Бір - бірімізге қамқор болайық! Баланың өмірі, сіздердің өмірлеріңіз бізге қымбат! Біз бұл індетке қарсы тұра аламыз, сіз бен біздің бұл пандемияны жоюға, жеңуге барлық мүмкіндігіміз бар! Бір шаңырақ астында, отбасы бақытын бірге бөлісіп,  балалардың білім алуына қолдау көрсетіп , бізбен бірге болыңыздар!  Біз сіздермен біргеміз!