12.11.2020 күні сағат 10.00 де 1-11 сынып жетекшілерімен оқушылардың күзгі демалыс кезіндегі бос уақыттарын тиімді пайдалану мен педагог этикасының қағидаларымен таныстыру тақырыптарында сынып жетекшілер сағаты

Дата: 2020-11-12 12:04:57
12.11.2020 күні сағат 10.00 де 1-11 сынып жетекшілерімен  оқушылардың күзгі демалыс кезіндегі бос уақыттарын тиімді пайдалану мен педагог этикасының қағидаларымен таныстыру тақырыптарында сынып жетекшілер сағаты өткізілді. Сынып жетекші сағатын директордың тәрбие ісі жөніндегі орынбасарлары Ерубаева Р.Б.,Рахимбеков Ш.Р. ұйымдастырды. Күзгі демалыс кезінде жоспарланған іс-шаралар мен байқаулардың есебі берілді. Сонымен қатар сынып жетекшілерге сыныптың әлеуметтік картасының жинақталуы туралы айтылды. 
Педагогикалық әдептің негізгі қағидаттары мыналар болып табылады:
      1) адалдық:
      Педагог адалдығы олардың оқыту мен тәрбиелеу нәтижесіне, өз қызметіндегі түзетулерді жүзеге асыра білуіне, сынға және рефлексияға қабілетін дамытуға, оқушылардың, ата-аналардың, әріптестердің кез келген пікірі үшін ашықтығына жауапкершілігін білдіреді;
      2) әділдік:
      Педагог әділдігі оның бағалау кызметінің ашықтығын, олардың құрған білім беру ортасының айқындылығын білдіреді. Әділдік педагогке окушының, оның ата-анасының (заңды өкілдерінің), әріптестерінің құқығын бұзуға тыйым салады;
      3) өзінің абыройын және қадір-қасиетін құрметтеу:
      Педагог өзінің кәсіби назарындағы объектілер болып табылатын окушының, ата-ананың, адамдардың абыройы мен қадір-қасиетін құрметтейді, олармен қарым-қатынас жасауда өнегелі. Ол баланың дамуын шынымен қалап, оған әрқашан көмектесуге дайын екендігін білдіріп, білім алушының жетістігін (жетіспеушілігін) бағалауда әдептілік танытады.
      Білім беру процесін қатысушыларына қатысты күш көрсету, моральдық және психикалық қысым жасау әдістерін қолдануға мүлдем жол бермейді;
      4) жалпы адами құндылықтарды құрметтеу:
      педагог жалпы адами құндылықтардың басымдылығын мойындай отырып, әрбір ұлт мәдениетін ерекшелігіне, құндылығына және қадір-қасиетіне құрметпен қарайды. Педагог ұлтаралық қатынастар мәдениетін тәрбиелейді, білім алушыларды жасына, жынысына, тіліне, ұлтына, діни көзқарасына, азаматтығына, шығу тегіне, әлеуметтік, лауазымдық және мүліктік жағдайына немесе өзге де кез келген жағдайларға қарамастан барлық ұлттар мен барлық адамдардың құқығы мен қадір-қасиетін құрметтеуге үйретеді;Педагог мектеп ұжымында сенім білдіру және құрметтеу ахуалын жасауға мүмкіндік туғызады;
      5) кәсіби ынтымақтастық:
      педагог мамандық мәртебесі туралы ойлайды, әріптестерінің абыройын және қадір-қасиетін құрметтейді, мұғалім беделіне нұқсан келтіретін іс-әрекеттерге жол бермейді.
      Педагог, қандай да бір дұрыс емес нәрселерді жасауға, өз әріптестерінің сеніміне нұқсан келтіруге, олардың кәсіби міндеттерін атқаруына кедергі жасауға, оларға қандай да бір шығын келтіруге жол бермейді. Педагог өз әріптестерінің теориялық және әдістемелік шеберлік деңгейін арттыруға, шығармашылық қабілетін дамытуға, қиын жағдайға тап болған әріптестеріне көмек беруге жәрдем көрсетеді. Кәсіби ынтымақтастық жалғандық пен әділетсіздікті ақтауға қызмет етпейді;
      6) үздіксіз кәсіби даму.
      Педагог өзінің кәсіби шеберлігін, зияткерлік, шығармашылық және жалпы ғылыми деңгейін жетілдіреді.
Педагог этикасының қағидаларымен таныстырылды. Педагогикалық әдептің негізгі қағидаттары
Автор: №7 МГ